नेपालगन्ज,बाँकेस्थित भेरी अस्पतालमा दुईवटा भेन्टिलेटर थप भएको छ। स्थानिय विकास पूर्वाधार कोषको रकमबाट उक्त भेन्टिलेटर खरिद गरिएको हो ।भेरी अस्पतालमा योसँगै अव २८ वटा भेन्टिलेटर पुगेका छन्।

बाँके क्षेत्र नम्वर २ बाट निर्वाचित विघटित संबिधानसभाका संघीय सांसद मोहम्मद इस्तियाक राइको पूर्वाधार कोषबाट ४५ लाख रुपैयाँ बिनियोजन गरिएको थियो।कोषको सो रकममार्फत् नेपालगन्ज उपमहानगरपालिकाले टेण्डर आव्हान गरेर खरिद गरिएको भेरी अस्पताल विकास समितिका अध्यक्ष प्रमोद धितालले जानकारी दिए।

कोरोना भाइरस महामारीका कारण अस्पतालमा भेन्टिलेटर अभावमै विरामीको मृत्यु हुने अवस्था आएपछि स्थानीय विकास पूर्वाधार कोषको सो बजेट रकामान्तर गरेर भेन्टिलेटर खरिद गरिएको धितालको भनाइ रहेको छ ।भेरीको कोभिड वार्डमा अहिलेपनि ६६ विरामी उपचारत छन् । तिमध्ये २१ जना सिकिस्त छन् ।