सम्भावना सकिए सँगै आस मरिसक्यो ।
प्रकासित मिति : २०७८ भाद्र २२, मंगलवार ००:२७
प्रकासित समय : ००:२७
सकियो सबै भइसक्यो लास मरिसक्यो,
घचघच्याएर हुन्न अब खास मरीसक्यो।
कहिँ केही बाँकी रहेन त जिउँनु पनि के?
सम्भावना सकिए सँगै आस मरिसक्यो।
कर थिएन मर्नु साहेद जिउँने रहर हुँदा,
देखेन नाफा जिन्दगीकै आभास मरिसक्यो।
अर्थ हिन जिन्दगी बाँचेजस्तो लागेपछि,
कठै! उसको ढुकढुकी र सास मरिसक्यो।
हिजो उसलाई लत्याएर बाटो मोड्नेहरु
भन्दैछन आज मेरो मधुमास मरिसक्यो।