अर्थमन्त्री शाहलाई कुरीरहेको छेडा–थलह खारखोलाको त्यो मोटरेबल पुल !
जाजरकोट, कर्णाली प्रदेशको आर्थिक मामिला मन्त्री यतिबेला जाजरकोट (प्रदेश ख) बाट निर्वाचित सांसद राजिब बिक्रम शाह छन । शाहको पोल्टामा कर्णालीको अर्थतन्त्र परेको छ भने जाजरकोट प्रदेश ख ले आफनै हातले मतदान गरेर जिताएर पठाएको प्रतिनिधिले अर्थमन्त्री पाएको छ । चुनौति र अवसरको दोसाँधमा पाएको अर्थमन्त्रालय शाहका लागि अग्नी परिक्षा बन्ने निश्चित छ ।
समाजसेवाबाट राजनितिमा हामफालेका शाह जाजरकोटबाट पटकपटक निर्वाचित प्रतिनिधि हुन । शाह सपना बाढ्दै चुनाव जित्छन तर सपना छेडाखोलासंगै बग्छन । (प्रदेश ख) बाट निर्वाचित शाहका क्षेत्रका अधिंकाश मोटरेबल पुलहरु बर्षौदेखि अलपत्र छन । ठेक्का सम्झौता भएपनि समयमै सरोकारवाला निकायको ताकेता नहुदा अधिकाँश मोटरेबल पुलहरु अलपत्र परेका छन ।
जाजरकोट–जुम्ला सडकको छेडा–थलह सडकखण्डमा पर्ने अधिंकाशं मोटरेबल पुल निर्माण अलपत्र छन । अर्थमन्त्रीको ध्यान नजादा पुलहरु अलपत्र परेको स्थानियको भनाइ छ ।
केहिदिन अगाडि नेकपा समाजबादीका केन्द्रिय सदस्य कृष्ण बिसीले समाजिक सञ्जालमा भावुक स्टाटसमा लेख्दै भने (थलह सडक खण्डको खारखोलाको मोटरेबल पुल निर्माण प्रारम्भ भएको २ बर्ष नाघ्यो । यहि गतिमा प्रगति भए पश्चिम जाजरकोटले अझै केहि बर्ष सास्ति ब्यहोर्नु पर्ने निश्चित जस्तै छ । सरोकारवाला सबैको गम्भिर ध्यानाकर्षण होस ।
त्यस्तै वर्षेनी वर्षासँगै खोलामा पानी बढेपछि यातायात अवरुद्ध हुने गर्छ । कयौपटक मान्छे बगायो पशुचौपायको हिसाब छैन । तर पुल नहुँदा स्थानीयले जोखिम मोलेर वारपार गर्नुपर्ने बाध्यता भएको थलहका हरि बस्नेतले बताए । उनले भने शक्ति बस्नेतबाट मरेको आशा राजिब शाहबाट पुरा हुन्छ की भनेको नियती उहि दोहोरियो । पुल नबन्दा खोलाले बगाएर स्थानीयको ज्यानसमेत जाने गरेको छ । निर्वाचनका बेला घोषणपत्रमा पुलहरु बनिसक्छन तर निर्वाचनपछि भत्किन्छन । छिटोछरितो पुल निर्माण गर्न सरोकारवाला निकाय गम्भीर हुनुपर्ने स्थानीयको भनाइ छ ।