नेपालगन्ज, मिलेनियम च्यालेन्ज कर्पोरेसन (एमसिसी) सम्झौता खारेजीको माग गर्दैँ जिल्ला प्रशासन कार्यालय बाँकेमा घेराउ गरिएको छ।संसदबाट पास गर्न लागिएको एमसिसी सम्झौता राष्ट्रघाती भएको भन्दैँ विप्लव नेतृत्वको नेपाल कम्युनिस्ट पार्टी सहितका ६ राजनिती पार्टी र २ मोर्चाले बिहिवार जिल्ला प्रशासन कार्यालयमा प्रर्दशन सहित घेराउ गरेका हुन् ।

उक्त बिरोध पर्दशनलाई सम्बोधन गर्दै नेपाल कम्युनिस्ट पार्टीका केन्द्रीय सदस्य दिपक चलाउनेले सडकबाट सुरु गरेको आन्दोलन सिंहदरबार, सांसद भवन, अमेरिका सम्म पुगेको बताए ।

एमसिसी खारेज नभए नेपालमा तेस्रो जनआन्दोलन सुरु हुने र उक्त आन्दोलनमा नेपालको बर्तमान संसदीय व्यवस्थाको अन्त्य गरी बैज्ञानिक समाजवादको स्थापना गर्दै नेपालमा शिक्षा, स्वास्थ, रोजगारी नि:शुल्क उपलब्ध हुने उनले बताए।

उनका अनुसार बैज्ञानिक समाजवादमा किसानहरुको लागी जमिनहरु नि:शुल्क दिने र ठुला उद्योगहरुमा किसान मजदुरहरुको पनि लगानी हुने चलाउनेले बताएका छन।

उक्त बिरोध सभालाई विप्लव नेतृत्वको नेकपा सहित ६ राजनीति पार्टी र २ मोर्चाका नेताहरूले सम्बोधन गरेको थिए।