बिरेन्द्रनगर, नेपाल अन्तराष्ट्रिय तेक्वान्दो संघ सुर्खेतको अध्यक्षमा हिमाल लामा चयन भएका छन् ।‘स्वास्थ्यका लागि खेल, राष्ट्रका लागि खेल’ भन्ने उदेश्यका साथ लामाको नेतृत्वमा मंगलबार ९ सदस्य नेपाल अन्तराष्ट्रिय तेक्वान्दो संघ सुर्खेत जिल्ला कार्य समिती गठन गरिएको हो ।

जसको उपाध्यक्ष मरिचमान सुनार र शिव फडेरा, सचिब रामजन शाही, काेषाध्यक्ष रमिला राेकाया निर्वाचित गरिएको छ । त्यस्तै सदस्यहरुमा रमिला शाही, अजय लामा, संगिता तामाङ लगायत रहेका छन् ।

उक्त कार्यक्रम नेपाल अन्तराष्ट्रिय तेक्वान्दो महासंघका केन्द्रीय सदस्य एवं कर्णाली प्रदेश संयोजक हाेम बहादुर सुनार र जिल्ला खेलकुद विकास समिति सुर्खेतका अध्यक्ष चन्द्र गिरीको आथित्वमा सम्पन्न भएको हो ।

त्यस्तै अन्य अथितिहरुमा संघका दैलेख जिल्ला संयोजक गजेन्द्र थापा, कालिकोट जिल्ला संयोजक गाेगन कुमार बिश्वकर्मा, तेक्वान्दोका बरिस्ठ गुरु उपेन्द्र थापा लगायतको उपस्थिति रहेको थियो ।