जनमोर्चा सांसद थापाविरुद्धको मुद्दा इजलासमा
प्रकासित मिति : २०७८ जेष्ठ ३१, सोमबार १३:१७
प्रकासित समय : १३:१७
काठमाडौँ,गण्डकी प्रदेशका राष्ट्रिय जनमोर्चाका सांसद कृष्ण थापाको सांसद पद खारेजीको माग दर्ता भएको पुनरावलोकन निवेदन (भ्याकेट) आज पेशीमा चढेको छ।
थापाको भ्याकेट निवेदनमा न्यायाधीशद्वय विश्वम्भर श्रेष्ठ र कुमार रेग्मीको इजलासमा सुनुवाइ हुने भएको छ। यसअघि जेठ २७ गते नै निवेदन पेशीमा चढे पनि सुनुवाइको पालो आएको थिएन । पार्टीको ह्विप नमानेको आरोपमा सांसद थापा पार्टीको कारबाहीमा परेका थिए ।
यसअघि न्यायाधीश कुमार चुडालको एकल इजलासले सांसद थापालाई पदमुक्त गर्ने प्रदेश सभाको निर्णय कार्यान्वयन नगर्न आदेश दिएको थियो तर, गण्डकी प्रदेशका सभामुख नेत्रनाथ अधिकारी, प्रदेशसभा सचिव हरिराज पोखरेल र राष्ट्रिय जनमोर्चा गण्डकीले भ्याकेट निवेदन हालेका थिए ।