सुर्खेत,कर्णाली प्रदेशको राजधानी सुर्खेतको वीरेन्द्रनगरमा ‘लकडाउन’को पालना भएजस्तो देखिदैन। कोरोनाको उच्च जोखिमको सुचिमा आउने सुर्खेत अनि सुर्खेतका अधिकांस सडक सवारी साधन तथा पैदल यात्रीले भरिएकै हुन्छन्।थरि-थरि संस्थाका परिचय पत्र देखाएर खुलेआम सडकमा गाडि गुडीरहेका छन्।

मंगलवार नेपाल पत्रकार महासंघ सुर्खेतका नव-निर्वाचित पदाधिकारीहरुले वीरेन्द्रनगरमा लकडाउनको निरिक्षण तथा अनुगमन गरेका थिए। निरिक्षणका क्रममा थरि-थरि संस्थाका परिचय-पत्र वोकेका यात्रीहरु फेला परेका थिए। उनिहरु अफिसको महत्वपुर्ण काममा हिडेको वाहाना वनाएर वजारमा हिडिरहेका थिए।आफुलाई पत्रकारको सुचिमा राखेर गैरकानुनी रुपमा परिचय-पत्र वोकेर हिड्नेको संख्यापनि कम थिएन।

पत्रकार महासंघ सुर्खेतका अध्यक्ष ललित वसेलका अनुसार सुर्खेतको वीरेन्द्रनगरमा यस्तै अवस्था रहे ‘लकडाउन’ हुनु र नहुनुमा कुनै अन्तर नरहेको वताए। लकडाउनलाई थप कडाईका साथ पालाना नगरे सुर्खेतले अझ कोरोनाको भयावह अवस्थाको सामना गर्नुपर्ने भन्दै सवैलाई सुरक्षित हुन आग्रह गरे।

अनुगमनमा खटिएका पत्रकार महासंघ सुर्खेतका उपाध्यक्ष सुदिप पुरीले गैरकानुनी रुपमा पत्रकारको परिचय-पत्र वोकेकालाई थप निगरानी वढाउन प्रहरीलाई आग्रह समेत गरे।परिचय-पत्र वोकेकाहरुलाई के कोरोना नलाग्ने हो त ? कोरोनाले विश्व आक्रान्त भएको वेला सवैले सजकताका साथ ‘लकडाउन’को पालना गर्नुपर्ने जरुरी देखिन्छ।