गरिब राष्ट्रहरुले छिट्टै खोप पाउछन्ः डब्लुएचओ
प्रकासित मिति : २०७७ पुस ४, शनिबार १२:४४
प्रकासित समय : १२:४४
एजेन्सी, गरिब राष्ट्रहरुमा नयाँ बर्ष सन् २०२१ को सुरुदेखि नै कोरोनाविरुद्धको खोप पठाउन थालिने विश्व स्वास्थ्य संगठन (डब्लुएचओ) ले बताएको छ ।
डब्लुएचओ र त्यसका साझेदारहरुले कोभ्याक्सलगायतका खोप शीघ्र उपलब्ध हुनसक्ने जनाएका हुन् । उनीहरुले सबैलाई पुग्नेगरी बनाउने तयारी भइरहेको बताएका छन् ।विश्व समुदायका लागि झण्डै दुई अर्ब मात्रा खोप सुरक्षित गर्न लागिएको स्वास्थ्य निकायका अधिकारीहरुले जानकारी दिएका छन् ।
संगठनले जारी गरेको वक्तव्यमा लेखिएको छ सवै देशले कोरोनाविरुद्धको खोप किनेर लैजान सक्दैनन् ती देशहरुमा पनि सन् २०२१ को सुरु देखि नै खोप पठाइने छ ।
अध्यारो सुरुङ्मा पनि थोरै उज्यालो हुन्छ भने झैँ महामारीका बेला पनि गरिब मुलुकलाई कोरोनाविरुद्धको खोप उपलब्ध गराउने प्रयास भइरहेको डब्लुएचओका प्रमुख टेड्रोस अधानोम गेब्रेयससले जानकारी दिए ।