कतारमा १४३ नेपालीले गरे रक्तदान
प्रकासित मिति : २०७७ कार्तिक १५, शनिबार ०७:३५
प्रकासित समय : ०७:३५
दोहा, कतारमा १४३ जना नेपालीले रक्तदान गरेका छन् ।
गैरआवासीय नेपाली संघ राष्ट्रिय समन्वय परिषद् कतारको समन्वयमा हमाद मेडिकल कर्पोरेसनमा १४३ नेपालीले रक्तदान गरेको गैरआवासीय नेपाली संघ,राष्ट्रिय समन्वय परिषद कतारका अध्यक्ष मोहम्मद मुक्तदा मुसलमानले जानकारी दिए ।
कोरोना भाइरसको महामारीमा पनि रक्तदानमा सहभागी भएकाहरूप्रति एनआरएनए कतारले आभार प्रकट गरेको छ ।उक्त रक्तदानमा एनआरएनए कतारसहितका ६८ वटा संघसंस्थाको सहभागिता रहेको थियो ।