काठमाडौं, नेपालमा बुधबारसम्म कोरोना भाइरस संक्रमणबाट ४९ हजार ९५४ जना मुक्त भएका छन्। यो कुल संक्रमितको ७३.७ प्रतिशत हो।

नेपालमा कोरोना भाइरस संक्रमितको कुल संख्या ६७ हजार ८०७ पुगेको छ। यस्तै सक्रिय संक्रमितको संख्या १७ हजार ४१४ रहेको स्वास्थ्य तथा जनसंख्या मन्त्रालयले जनाएको छ।

आज एक हजार ८९३ जना संक्रमित थपिएका छन्। आजसम्म कोरोना भाइरस संक्रमणबाट ४३६ जनाको मृत्यु भएको छ। पछिल्लो २४ घण्टामा एक हजार ८९३ जना निको भएका छन्।

आजसम्म प्रदेश १ मा चार हजार ५१६, प्रदेश २ मा १२ हजार ७६०, बागमतीमा १२ हजार ८१२ जना संक्रमणमुक्त भएका छन्। गण्डकीमा दुई हजार ९४१, प्रदेश पाँचमा ७ हजार ७७५, कर्णालीमा दुई हजार ७८२ र सुदूरपश्चिममा ६ हजार ३६८ जना कोरोनामुक्त भएका छन्।