कुलमान घिसिङ्गलाई पुनः नियुक्त गर्नु पर्ने माग राख्दै प्रदर्शन
प्रदर्शनमा उत्रिएकाहरुलाई पानीको फोहोरा प्रहार
प्रकासित मिति : २०७७ भाद्र ३१, बुधबार १४:१८
प्रकासित समय : १४:१८
काठमाडौँ, कुलमान घिसिङ्गलाई नेपाल विद्युत प्राधिकरणको कार्यकारी निर्देशकमा पुनः नियुक्त गर्नु पर्ने माग राख्दै प्रदर्शनमा उत्रिएकाहरुलाई प्रहरीले पानीको फोहोरा प्रहार गरेको छ ।
बुधबार दिउँसो माइतीघरमा घिसिङलाई निरन्तरता दिनको लागि प्रदर्शनमा उत्रिएका प्रदर्शनकारीहरुलाई पानीको फोहोरा प्रहार गरेर प्रहरीले तितरवितर पारेको हो । घिसिङ प्राधिकरणबाट मंगलवार बिदा भएका थिए । २०७३ सालको भदौ २९ गते नियुक्त भएका घिसिङको चार वर्षे कार्यकाल आइतबार सकिएको थियो ।
कार्यकालमा निकै प्रशंसा कमाएका घिसिङलाई अर्को कार्यकाल पनि प्राधिकरणको नेतृत्व दिन सरकारमाथि जनदबाब बढेको छ । तर सरकारले पुनर्नियुक्ति विषयमा कुनै निर्णय गरेको छैन ।