काठमाडौं, जनकपुरस्थित रामजानकी अस्पतालमा सुत्केरीलाई चिकित्सकले गलत रगत चढाएपछि मृत्यु भएको छ ।

हिजो सुत्केरी भएकी महोत्तरीकी २० वर्षिया गंगा महतोलाई ओ पोजेटिभ रगत आवश्यक भएकोमा चिकित्सकले बी पोजेटिभ रगत चढाएका कारण मृत्यु भएको प्रारम्भिक अनुसन्धानबाट खुलेको धनुषाका एसपी रमेश बस्नेतले बताए । मुत्युपछि एक चिकित्सकलाई नियन्त्रणमा लिएर प्रहरीले अनुसन्धान थालेको छ ।

हिजो अपरेसन गरेर बच्चा निकालेपछि सुत्केरीलाई रगत अभाव भएको थियो । रगत चाहिने भएपछि चिकित्सकले रक्तसञ्चार केन्द्रमा रगत लिन पठाएका थिए। रक्तसञ्चार केन्द्रले गतल रगत दियो कि चिकित्सकले गतल रक्त समूह ल्याउन भनेका हुन् भन्नेबारे अनुसन्धान भइरहेको एसपी बस्नेतले बताए ।