काठमाडौं, पार्टीभित्रको विवाद समाधानका लागि नेकपाका दुई अध्यक्षबीच आज (बुधबार) भएको छलफलमा पनि कुनै सहमति जुट्न सकेन ।प्रधानमन्त्री एवं नेकपा अध्यक्ष केपी शर्मा ओली र अर्का अध्यक्ष पुष्पकमल दाहालबीच बालुवाटारमा करिब तीन घण्टा भएको छलफलबाट ठोस सहमति जुट्न नसकेको बुझिएको छ।

दुई अध्यक्षबीच बिहीबार फेरि पुन: छलफल हुने बताइएको छ । ओली र दाहालबीच मंगलबार पनि छलफल भएको थियो। गत साता पनि तीन दिन लगातार छलफल गरेका ओली र दाहालबीच सहमति जुट्न नसकेपछि थप छलफल गर्न भन्दै साउन २ सम्मका लागि नेकपा स्थायी कमिटी बैठक स्थगित छ।

असार १० बाट सुरु भएको स्थायी कमिटी बैठकमा अधिकांश सदस्यले प्रधानमन्त्री तथा अध्यक्ष दुवै पदबाट ओलीको राजीनामा मागेपछि नेकपामा विवाद छ।