बन्दुक कस्तो हुन्छ बन्दुक हेर्दैहोला
बाजेको पालाको तमसुक हेर्दै होला । 

राशनको भाउ बढेको खबर भन्दैछ
उ बाझो खेतमा बसि फेसबुक हेर्दैहोला ।

साधुको नजर पनि किन बेचैन छ
ब्लाउजको फुक्लेको हुक हेर्दैहोला ।

म देख्दैछु बत्ती निभेको एउटा कोठा
कसैले घोप्टिएको चुक हेर्दै होला ।

खुब सम्झियो उसले बारडान्सर केटि
सायद पात झरेको रुख हेर्दै होला ।

सुकिलो मान्छे यहि बाटो भएर जान्छ
कच्ची सडकले नयाँ मुलुक हेर्दै होला ।

थुक्दै गाली गर्दै आफैलाइ मुक्का हान्यो
सलामी ऐनामा आफ्नै मुख हेर्दै होला ।