नेपालगन्ज,  बाँकेमा थप ४२ जानलाई कोरोना संक्रमण पुष्टि भएको छ ।  बाँकेका फोकल पर्सन नरेश श्रेष्ठका अनुसार  भेरी अस्पतालको प्रयोगशालामा गरिएको परिक्षणमा  ४२ जनामा काेराेना संक्रमण पुष्टि भएको हो ।

नेपालगञ्ज वडा नं १२ र १५ का दुई जना र जानकी गाउँपालिकाका ४० जना रहेको कोरोना फोकल पर्सन श्रेष्ठले जानकारी दिए  ।

श्रेष्ठका अनुसार  संक्रमण पुष्टि भएका सबै क्वारेन्टाइनमा रहेका व्यक्तिहरु हुन । उनीहरु स्वास्थ्यकर्मीको निगरानीमा रहेको र सबै भारतबाट आएकाहरु भएको जनाइएको छ ।

यसको स्वास्थ्य तथा जनसंख्या मन्त्रालयका प्रवक्ता विकास देवकोटाले पुष्टि गरेका छन् । उनका अनुसार नेपालगञ्ज उपमहानगरपालिकामा २ र जानकी गाउँपालिका ४० जना पुरुष गरी ४२ जनाका पोजेटिभ देखिएको हो ।

जानकीमा पहिलोपटक कोरोना संक्रमितहरु भेटिएका हुन् ।