काठमाडौं,  नेपालमा कोरोनाबाट संक्रमित भएको आशंकामा ३ सय १५ जना रेड जोनमा राखिएको छ । स्वास्थ्य तथा जनसंख्या मन्त्रालयका प्रवक्ता डा विकास देवकोटाका अनुसार हालसम्म सम्पर्कमा आएका र परिक्षण गरिएका मध्ये ३ सय १५ जनालाई रेड जोनमा राखिएको हो ।

रेड जोनमा राखिएकहरूको स्वास्थ्य अवस्थाबारे स्वास्थ्य महाशाखामार्फत ट्रेसिङको काम भइरहेको उनले जानकारी दिए। नेपालमा हालसम्म कोरोना संक्रमितको संख्या ५९ पुगेको छ भने १६ जना निके भएर घर फर्किएका छन् । आइसोलेशनमा राखेर ९४ जनाको उपचार गरिराखिएको छ ।

मन्त्रालयका अनुसार अहिलेसम्म पीसिआरमाध्यम १२ हजार ५ सय ७७ जनाको कोरोना परिक्षण गरिएको छ भने ४७ हजार ७ सय ९७ जनाको र्यापीड टेस्ट गरिएको छ । हालसम्म सरकारले सुरू गरेका दुईवटा वेबपेज र मोबाइल एपमा कोरोना भाइरसबारे बुझ्न चाहनेहरुको संख्या करिब ३० हजार पुगेको छ । यस्तै हाल नेपालमा २४ हजार ९ सय ७ जनालाई क्वारेन्टाइनमा राखिएको छ ।