भट्टराईविरुद्ध उजुरी दर्ता गर्न अनेरास्ववियूका नेता सरकारी वकिल कार्यालयमा
प्रकासित मिति : २०७७ बैशाख १६, मंगलवार १५:४५
प्रकासित समय : १५:४५
काठमाडौं, पूर्वप्रधानमन्त्री तथा जनता समाजवादी पार्टी (जसपा) का नेता डा. बाबुराम भट्टराई लगायत नेताहरुविरुद्ध साइबर अपराधसम्बन्धी जाहेरी दिन नेकपाका युवा विद्यार्थीहरु सरकारी वकिलको कार्यालय पुगेका छन् ।
डा. बाबुराम भट्टराई, हिसिला यमी, विश्वदीप पाण्डे र आङकाजी शेर्पाले विध्दुतीय माध्यमबाट आफ्ना नेताहरुको चरित्र हत्या गरेको भन्दै युवासंघ र अनेरास्ववियूका नेताहरु साइबर अपराधमा कारबाही गरिपाउँ भनी जाहेरी लिएर टेकु पुगेका थिए ।
युवा संघका केन्द्रीय सदस्य सन्जिवकुमार झा र अनेरास्ववियुका नारायण घर्तीले सामाजिक सन्जालबाट अफवाह फैलाएर व्यक्तिको चरित्रहत्या गरेको भन्दै साइबर अपराधमा जाहेरी लिएर पुगेका हुन् ।
उनीहरुसँगै अनेरास्ववियूका संयोजक ऐन महर, युवा संघका सहसंयोजक रमेश पौडेल लगायतका नेताहरु पनि सरकारी वकिलको कार्यालय पुगेका छन् ।