बुझिसकेँ अब त सम्झाइबुझाइ गर्नुपर्दैन ।
कृपया ! माया गरेर मेरो भलाइ गर्नुपर्दैन ।

प्रेमको बिरुवा रोप्ने भए यी आँखामा रोप 
यहाँ रोपेपछि कहिल्यै सिंचाइ गर्नुपर्दैन ।

मान्छे मान्छे बीच फरक हुनेरहेछ भोक पनि 
गरीबको बच्चालाई कोखाइकोखाइ गर्नुपर्दैन।

सिधै छातिमा टेक्नुको कारण के हो सोध्छौ 
तिम्रो स्वच्छ हृदयमा सरसफाइ गर्नुपर्दैन ।

आँसु,दु:ख,दुस्मन, यस्तै-यस्तै केही चीजहरू 
जिन्दगीमा स्वत: आइपुग्छन् कमाइ गर्नुपर्दैन ।

अछाम हाल काठमाडौं ।