विश्व सारा आज रुहेको छ साथि
कोही छैनौं हामी काल भन्दा माथि ।

भोलि के हुने हो कसले देख्न सक्छ
आइ हाले काल कसले छेक्न सक्छ ।

मरेर जाँदा लानु केही छैन
जिवित हुदैमा गरौं असल कर्म ।

रीस राग सारा अहंकार तोडौं
तेरो र मेरो भन्ने सब छोडौं ।

हामी सबै मानव एउटै नाता जोडौं
विशाल आकाश एउटै छाना ओडौं । 

सबैको चिन्ता एउटै छ साझा
कोही अजम्वरी छैन रैती न राजा ।

यहि सन्देश बाँड्न जुटौंन साथि
कोही छैनौं हामी काल भन्दा माथि ।

नेचा, सोलुखुम्बु