नेपालगन्ज, बर्दिया बारबर्दिया नगरपालिकाका मेयर दुर्गा बहादुर थारु कबिरले आफुले निर्वाचनका बेला जारी गरेको घोषणपत्र अनुसार ६० प्रतिशत काम गरिसकेको दावी गरेका छन ।

उनले जनतालाई प्रत्याभुति हुनेगरी काम गरिरहेको बताएका हुन । कुसे अनलाइन टेलिभिजनसंग कुराकानी गर्दै थारुले भौतिक पुर्वाधारका कामहरुलाई बर्गिकरण गरेर जनचाहाना अनुरुप गरेको बताए ।

उनले बारबर्दियाका बिभिन्न क्षेत्रलाई बर्गिकरण गरेर कामको शुभारम्भ गरेको बताए । उनले थारु समुदायमा बंशानुगत समास्याका रुपमा रहेको सिकलसेल एमिनियालाई निर्मुल गर्न पाठयक्रममा समेत समाबेश गरेको जानकारी दिए ।

सिकलसेल एउटा बंशाणुगत रुपमा सर्ने रोग भएको र थारु जातिहरुमा स्वास्थ्य समस्याको जडको रुपमा रहेको यो रोगलाई जनचेतना मार्फत निर्मुल गर्ने अभियानमा नगरपालिका रहेको बताए ।

बारबर्दियामा कृषि,शिक्षा,स्वास्थ्य,पर्यटनलाई समग्र बिकासको ऐनाको रुपमा अगाडि बढाएको थारुको भनाई रहेको छ ।

 कुसे टिभीले गरेको कुराकानी