काठमाडौं ,हास्यकलाकार केदार घिमिरे (माग्ने बूढा)ले नियम उल्लङ्घन गरी चिट काट्ने ट्राफिक प्रहरीलाई धन्यवाद दिएका छन् । उनले चेकिङका क्रममा मीठो व्यवहार गरेको भन्दै ट्राफिक प्रहरी सन्तोष चौधरीलाई भेटेर धन्यवाद दिएका हुन् ।

बुधवार उनी आफ्नो ग्वार्कोस्थित घरबाट एक साथीलाई भेट्न बानेश्वरतिर आउँदै थिए । सो क्रममा घर नजिकै भएको चेकिङका क्रममा उनी प्रहरीको कारवाहीमा परेका थिए ।ट्राफिक प्रहरी सन्तोष चौधरीले मीठो स्वरमा ‘तपाईंले सिट बेल्ट लगाउनुभएको रहेनछ, चिट काटिदिऊँ?’ भनेका थिए । उनको व्यवहारबाट केदार आफू प्रभावित भएको र उत्तिखेरै चिट काट्न त्यसरी नै प्रतिक्रिया दिएका थिए ।

‘उहाँले कति मीठो गरी भन्नुभयो, यसरी पनि त हुँदो रहेछ नि,’ केदारले भने ।ट्राफिक प्रहरी महाशाखामा कार्यरत सन्तोषले पनि चेकिङका क्रममा आफूले केदार घिमिरेलाई नचिनेको बताए । उनले भने ‘त्यतिखेर मैले चिनिनँ, उहाँले सिट बेल्ट लगाउनुभएको थिएन, मलाई केही जस्तो लागेन,’ चौधरीले भने ।केदारले त्यतिबेला आफूले उनीको टोपी र मास्क लगाएकाले ती ट्राफिक प्रहरीले नचिनेको हुनसक्ने बताए । त्यतिबेला आफू चिनिन नचाहेको पनि उनले बताए ।

‘गल्ती गरिसकियो, मैले त चिट काटिदिन भनेँ,’ केदारले हाँस्दै सुनाए ।सअघि चौधरीले अभिनेता भुवन केसीलाई पनि चिट काटेको सुनाए । त्यतिबेला भने भुवन केसीले मादक पदार्थ सेवन गरेका कारण चिट काट्नुपरेको पनि उनले खुलाए ।ट्राफिक नियम उल्लङ्घन गरेपछि केदारलाई रुपैयाँ ५ सयको चिट काटिएको थियो ।