कालीकोट,जिल्लाको सबै भन्दा बढि कारोवार भएको हिमबचुलि कृषि सहकारी संस्था लि. कालीकोटको नव सेवा कार्यालय पचालझरना गाउंपालिकाको जारकोटमा उद्घाटन भएको छ । संस्थाका उपाध्यक्ष देवनारायण संज्यालको अध्यक्षता पचालझरना गाउपालिकाका अध्यक्ष खडगराव सेजुवालको प्रमुख आत्थ्यितामा सेवा कार्यालयको उद्घाटन भएको हो ।

उद्घाटन कार्यक्रममा गाउँ पालिका अध्यक्ष खडगराज सेजुवालले जिल्लाको मात्र नभई कर्णालि प्रदेशको सहकारीको अगुवाई भुमिका खेल्दै आएको हिमचुलि कृषि सहकारी संस्था लि.को सेवा कार्यालय उद्घाटनले पालिकाका संचालनमा आएका सहकारी संस्थाहरुको अगुवाई भुमिका निर्वाह गर्ने अपेक्षा लिएको बताउदै आगामी दिनमा हिमचुलि कृषि सहकारी संस्थालाई अगाडी बढाउन सहयोगका लागि आफुले विशेष पहल गर्ने बताउनु भएको छ । यसै क्रममा संस्थाको ११ औं वार्षिक साधारण सभा पनि सेवा कार्यालय स्तरिय शुरुवात भएको छ ।

पचालझरना गाउँ पालिकामा दिगो विकास लक्ष्य प्राप्तिका लागि सहकारी भन्ने मुलनाराका साथ संस्थाको थिर्पु सेवा कार्यालयमा असोज २७ सम्पन्न गर्दै आज पचालझरना गाउँ पालिकाको जारकोटमा ११ औं वार्षिक साधारण सभा गरिएको छ । उक्त साधारण सभामा संस्थाको निति तथा कार्यक्रम उपाध्यक्ष देवनारायाण संज्यालले प्रस्तुत गर्नु भएको छ भने संस्थाका प्रबन्ध निर्देशक जगेन्द्र प्रसाद आचार्यले संस्थागत प्रशासन तथा प्रस्तावित कार्यक्रम प्रस्तुत गर्नु भएको छ ।

त्यसै गरी कोषाध्यक्षको आर्थिक प्रतिवेदन र लेखा समिति सदस्य धनलाल अधिकारीले आफ्नो प्रतिवेदन प्रस्तुत गर्नु भएको छ । उक्त कार्यक्रममा पचालझरना गाउँ पालिकाका सम्पुर्ण वडा अध्यक्ष,कृषि शाखा,पशु शाखा लगाएतका प्रतिनिधि,लघुवित्त महिला सदस्य,शेयर सदस्यहरुको उपस्थितिमा शुरु भएको हो ।

वार्षिक साधारण सभामा उपस्थिति अतिथिहरुले संस्थाले छोटो समयमा गरेको विकासलाई उच्च प्रशंसा गर्दै आगामी दिनमा अझै सदस्य मुखि व्यवसायमा जोड दिन अनुरोध गर्नु भएको छ । उक्त वार्षिक साधारण सभामा पचालझरना गाउँ पालिकाको जारकोट सेवा कार्यालय अन्तरगतका उत्कृष्ट व्यवसायिक र उत्कृष्ट केन्द्र प्रमुखलाई प्रशंसा पत्र सहित सम्मान गरिएको छ ।

यसै गरी थिर्पु सेवा कार्यालय अन्तरगत उत्कृष्ट बचत कर्ता,९३ वर्षिय जेष्ठ नागरिक शुन्दरे कामीलाई दोसल्ला ओढाई सम्मान गरिएको छ भने उत्कृष्ट व्यावसायिक गरी तिन विधामा सम्मान गरिएको शाखा प्रबन्धक दन्त तिरुवाले बताउनु भएको छ ।

यसै गरी गएको साल चैत्रमा घांस काट्न गएको वेलामा पलांता गाउँ पालिका वडा न९का सुनिता बमको मृत्यु भएकोमा वहांका श्रीमान निल विक्रम बमलाई एभरेष्ट इन्सुरेन्स कम्पनिबाट प्राप्त निर्जिवन विमा राहत वापत एक लाख रकम प्रदान गरेको छ । कार्यक्रमका प्रमुख अतिथि रहेका पलांता गाउँ पालिकाका कार्यकारी प्रमुख राज बहादुर बमले एक लाखको चेक प्रदान गर्नु भएको छ ।

संस्थाको वार्षिक साधारण सभा जिल्ला भर रहेका ८ वटा सेवा कार्यालय स्तरिय गर्दै आएको छ । यस सहकारी संस्थाका १० हजार ५ सय ४५ जना शेयर सदस्यहरुमा कुल शेयर २ करोड ७६ लाख,बचत सात करोड पचास लाख,कर्जा प्रवाह २० करोड प्रवाह गरिएको छ । जिल्ला भर कार्यक्षेत्र रहेको हिमचुलि कृषि सहकारी संस्था लि।को यस वर्ष ५१ लाख खुद आम्दानि गरेको छ ।