काठमाडौँ,नेपाली काँग्रेसका सभापति शेरबहादुर देउवा पार्टी कार्यालय सानेपा आउँदा नेपाल तरुण दलकाअध्यक्ष जितजंग बस्नेतलाई कारबाहीको माग गर्दै महासचिव भुपेन्द्रजंग शाही समूहले विरोध प्रदर्शन गरेका छन् । तरण दलका महासचिव शाही समूहले शुक्रबार पार्टी कार्यालय सानेपामा प्रदर्शन गरेको हो ।

उनीहरुले तरुण दलका अध्यक्ष जीतजंग बस्नेतको राजीनामा माग्दै प्रदर्शन गर्नुका साथै नाराबाजी गरेका छन् । प्रर्दशनलगत्तै सभापति देउवालाई भेटेर महासचिव शाहीले ज्ञापन पत्र बुझाए। अध्यक्ष बस्नेत र महासचिव शाहीले एकअर्कालाई कारबाही गरेपछि तरूण दलभित्र बिबाद सिर्जना भएको छ।

काँग्रेसले आजै दिउँसो १ बजेका लागि बोलाएको केन्द्रीय समिति बैठक ३ बजेसम्म पनि सुरु भएको छैन । निर्धारित समयमा सभापति देउवा नपुगेपछि बैठक सुरु हुन नसकेको हो ।

आजको बैठकमा म्याद सकिएका भ्रातृ तथा शुभेच्छुक संस्थाको अधिवेशन, विधान निर्माण तथा परिमार्जन, एकरूपता, नयाँ निवेदन परेका भ्रातृ, शुभेच्छुक, जनसम्पर्क समितिका विषयमा निर्णय गर्ने नेताहरुले बताएका छन् ।