काठमाडौं, विप्लव नेतृत्वको विद्रोही नेकपाका केन्द्रीय सदस्य तथा उपत्यका विशेष ब्युरो इन्चार्ज नविन विश्वकर्मा’हितमान’ पक्राउ परेका छन् ।सोमबार दिउँसो उनलाई नेपाल प्रहरीको विशेष ब्यूरोले ललितपुरबाट पक्राउ गरेको प्रहरी स्रोतले जानकारी दिएको छ । उनलाई कहाँ राखिएको छ भन्ने बारेमा प्रहरीले खुलाउन नचाहेको भए पनि पक्राउ परेको पुष्टि गरेको छ ।
विप्लव नेकपाका उपत्यका इन्चार्जमा माइलामा लामा रहेका बेला नविन ललितपुर इन्चार्ज थिए । माइला लामा पक्राउ परेपछि नविनलाई उपत्यका इन्चार्ज बनाइएको थियो ।

नविनसँग केही महत्वपूर्ण कागजात फेला परेको प्रहरी स्रोतले जानकारी दिएको छ ।