रामेछाप, नेपाल कम्युनिष्ट पार्टी(नेकपा)का केन्द्रीय सदस्य एवं रामेछाप जिल्ला वाट प्रतिनिधिसभामा निर्वाचित सांसद श्याम कुमार श्रेष्ठले १० दिनभित्र सबै स्थानीय तहमा संगठनको एकता टुंगो लाग्ने दावी गरेका छन् ।

उनले स्थानीय तहका संगठनको एकताको कामले तीव्रता पाएको बताउँदै कार्यकर्ताहरुलाई कत्ति पनि विचलित नहुन आग्रह गरे ।

पुष्पलाल स्मृति प्रतिष्ठान रामेछापद्धारा आयोजित कार्यक्रमलाई सम्बोधन गर्दै रामेछाप जिल्लाका सह–इन्चार्ज समेत रहेको सांसद श्रेष्ठले पार्टी एकताको सम्पूर्ण काम टुंगो लगाएर गाउँगाउँमा अभियान सञ्चालन गरिने बताए ।

रामेछाप जिल्लाको लागी आफु केन्द्रमा बसेर रात दिन खटेको बताउदै उनले जिल्लाको विकास तिब्र गतिमा भइरहेको दावी गरे । सांसद श्रेष्ठले विगत र अहिलेको विकासको तुलना गर्न पनि नागरिकहरुलाई आग्रह गरे ।