एक पदचाप
प्रकासित मिति : २०७६ असार २२, आईतवार १२:२६
प्रकासित समय : १२:२६
पाइलाहरु रोकिने छैनन् ,
किञ्चित पनि छेकिने छैनन् ।
तय हुँदैछ गोरेटो
यस्तो गोरेटो, जो कोर्नु पर्नेछ आफैंले,
छाडिनेछन कहिल्यै नमेटिने पदचापहरु
पछाडि लाग्नेहरु थाक्ने छैनन कहिल्यै ।
त्यो दुरको सुदुरबस्ती
जहाँ अट्नेछन हरेक रङ्ग
जहाँ अट्नेछन हरेक जाति
जहाँ अट्नेछन हरेक लिङ्ग
हुनेछैनन् काल्पनिक भौगोलिक रेखा
र धार्मिक रेखा
अनि बन्नेछ एक पुर्ण सुसुन्दर सभ्यता ।
आफैंमा पुर्ण-सम्पुर्ण,
यो गोरेटो साँघुरो लाग्न सक्छ
यो बाटो नानो लाग्न सक्छ
लाग्न सक्छ कोरा कल्पना, दिवाको सपना ।
चुपचाप सहित
हल्लाखल्ला रहित
के हरेक हजारौं माइलको यात्रा एक पाइलाबाट सुरु हुन्न र ?
के प्रत्येक विशाल, हरेक सुक्ष्मबाट दरिइँदै भरिन्न र ?
साथी !
म यस समय
एक गोरेटोमा
एक कविताको
एक पदचाप छोड्ने यत्न गरिरहेछु ।
-
छोराको प्रश्न !
जिन्दगीको कुनै पलहरुमा म साहित्यमा बग्न खोज्दथे, भावना, वेदना, रचना कोरिरहन्थे तर आजकाल खै -
“अन्धकार पछिको उज्यालो”
सुनिता एउटा सानो गाउँमा जन्मेकी थिई। गाउँ हरियो पहाडहरूले घेरिएको, खोल्साहरू झरना जस्तै बग्ने,