बर्दिया, बर्दिया जिल्लाको मधुवन नगरपालिका–४ ढोढरी स्थित नेपाल राष्ट्रिय नमुना माध्यमिक विद्यालयमा सिभिल इञ्जिनिएरिङ विषय दोस्रो वर्षमा अध्ययनरत एक विद्यार्थीको बबई नदीमा डुबेर मृत्यु भएको छ ।

सुस्नयाँ गाउँपालिका–८ बैतडीका १९ वर्षिय वीरेन्द्र बोहोरा नुहाउने क्रममा शुक्रबार डुबेर बेहोस भएका थिए । बेहोस बोहोराको उपचारको क्रममा आज कोहलपुर मेडिकल कलेजमा मृत्यु भएको हो ।

बारबर्दिया नगरपालिका–२ स्थित डुग्रहवामा नुहाउने क्रममा डुबेर सख्त घाइते भएका बोहोराको उपचारका क्रममा मृत्यु भएको प्रहरी नायब उपरीक्षक मदनजित महराले बताए् ।