कास्की, नेत्र बिक्रम चन्द ‘विप्लब’ नेतृत्वको नेपाल कम्युनिस्ट पार्टी निकटको भातू संगठन अखिल (क्रान्तिकारी) कास्कीले आफ्ना विद्यार्थी नेता लाई गिरफ्तार गरिएको भन्दै जेष्ठ २२ गते आम शैक्षिक हड्तालको घोषणा गरेको छ ।

अखिल (क्रान्तिकारी) कास्की जिल्ला अध्यक्ष तथा केन्द्रीय सदस्य काजी गुरुङले शनिवार एक विज्ञप्ती जारी गर्दै संगठनका जिल्ला सचिब विश्वास थापा(पवन) लाई फरक राजनीतिक विचार र आस्था राखेकै आधारमा गिरफ्तार गरी मानशिक र शारिरिक यातना दिने, कोठामा खान तलासी गर्ने र झुट्टा मुद्धा लगाई पसाउने षड्यन्त्र गरिएको प्रति होर आपत्ती जनाउदै जेठ २२ गते जिल्लाव्यापी रुपमा आम शैक्षिक हडतालको आवहान गरेको छ ।

सबैखाले संघर्षका कार्यक्रमहरुमा विभिन्न स्तरबाट निरन्तर सहयोग र समर्थक गर्दै आउनु भएका आम बुद्धिजिवी, पत्रकार, सर्वसाधारण, युवा विद्यार्थी, सामुदायिक, निजी शिक्षण सस्था सञ्चालक र सम्पुर्ण सरोकारवाला पक्षहरुसंग सहयोग र ऐक्वबद्धताका लागि हार्दिक अपिल समेत गरिएको छ ।

जिल्ला सचीब थापा लाइ गत जेठ १२ गते आईतवारका दिन साथीको जन्मदिनमा गयर फर्कने क्रममा प्रहरीले गिरफ्तार गरेको थियो । गिरफ्तारी पश्चात संगठनले एक विज्ञप्ति निकाली २४ घण्टा भित्र आफ्ना विद्यार्थी नेता रिहा गर्न माग गरेको थियो ।
(हेर्नुहोस विज्ञप्ती)