काठमाण्डौ, नेत्रविक्रम चन्द विप्लबले नेतुत्व गरेको नेपाल कम्युनिस्ट पार्टी निकटको भातू संगठन अनेरास्वबियु (क्रान्तिकारी)ले आफ्ना विद्यार्थी नेताहरुलाई विनाकारण गिरफ्तार गरिएको भन्दै रिहाई गर्न माग गरेको छ ।

संगठनका केन्द्रीय उपाध्यक्ष रुद्र भट्टराईले विहिवार एक प्रेस विज्ञप्ती जारी गार्दै काठमाडौंको शान्तिवाटीकामा आयोजित शान्तिपुर्ण कार्यक्रम स्थलबाट पक्राउ परेका नेता कार्यकर्ताहरुलाई रिहाइ गर्न माग गरेका छन् ।

भट्टराईले आफ्ना नेता कार्यकर्ताहरुलाई तत्काल रिहाई नगरे कडा संघर्षमा जाने र लोकतन्त्रका आधारभुत मुल्य मान्यतालाई लत्याउदै सरकार अघी बढिरहेको आरोप लगाउदै फाँसीवादी सरकारका हरेक कदमको प्रतिवाद गर्न आफुहरु तयार रहेको विज्ञप्तिमार्फत उल्लेख गरेका छन् ।

अखिल (क्रान्तिकारी) लगायत ११ बिद्यार्थी संगठनले बुधबार काठमाडौंमा ५५ औं बिद्यार्थी एकता दिवसको अवसरमा सरकारको बिरुद्धमा प्रदर्शनसहित शान्तिवाटीकमा एक कार्यक्रमको आयोजना गरेका थिए । सोही कार्यक्रममा सहभागी अखिल (क्रान्तिकारी)का केन्द्रीय सदस्य प्रेम शाही, केन्द्रीय सदस्य तथा बांके जिल्ला अध्यक्ष मदन चन्द, मुगु जिल्ला अध्यक्ष नरश्वर वुमिलाई प्रहरिले गरिफ्तार गरेकाे थियाे । 

यस्ताे छ बिज्ञप्ति