ललितपुर महानगरपालिकाकाे वडा नम्बर १३ मा प्रहरीले स्थानीय युवाहरूको सक्रियतामा गाँजा फँडानी गरेको छ। प्रहरीले स्थानिय युवा तथा समाजसेवीहरूकाे अगुवाइमा गाजा खेति नस्ट गरेकाे हाे । 

महानगरको १३ नं वडाक्षेत्रमा खाली जग्गामा व्यापक रूपमा लगाइएको गाँजा खेती शनिबार र अाइतबार स्थानीय प्रतिनिधि कबिर बस्नेत, युवा जुझारु समाज सेवी नातनध्वज थापा र राष्ट्रिय प्रजातान्त्रिक युवक संगठन ललितपुरको सक्रिय सहभागितामा नष्ट गरिएको छ ।

स्थानीय क्षेत्रमा हुने गरेको यस किसिमको लागू अौषध गाँजा जस्ता लागू पदार्थको उत्पादन र उपयोगले यसक्षेत्रका युवाहरूमा नकारात्मक प्रभाव पारेको र उनीहरूलार्इ कुलतमा फस्न अभिप्रेरित गरेको कारण सोबाट बचाउन यहाँका युवा, स्थानीय प्रतिनिधिहरू एवं संस्थाको सहयोगमा जनचेतनामुलक कार्यक्रम पनि सञ्चालन गरिएको थियो ।

यसैगरी, गाँजा फँडानी र जनचेतनामुलक कार्यक्रमपश्चात् महानगरीय प्रहरी वृत्त सातदोबाटोका प्रमुख डीएसपी विनोद सिलवालसहितको टोलीले १३ नं वडाक्षेत्रमा शान्ति सुरक्षा सम्बन्धी व्यापक प्रचारप्रसार पनि गरेको थियो ।