भाेट मागेकाे भन्दै युवासंघका उपाध्यक्ष तमाङद्वारा अाफ्नै नेतामाथि कुटपिट

मतदातासंग भेटघाट नगर्न समेत चेतावनी

बाँके, काेहलपुर स्थानिय निर्वाचन नजिकिदै गर्दा  युवा संघ बाँकेका उपाध्यक्ष राजु तमाङको समुहले एमाले नेता मंकर वहादुर रोकायालाई कुटपिट गरेका  छन् । मकर थापा एमालेका स्थानिय नेता समेत हुन ।  कोहलपुरको रामजानकी स्कुल अगाडी मतदाता सँग भेटघाट र भाेट मागिरहेकाे अबस्थामा तामाङले झापड हान्दै कुटपिट गरेका हुन् । भाेट माग्ने बिषयमा भएकाे सामान्य बिवादले उग्र रूप लिँदा हातहालाहालकाे स्थतिमा पुगेकाे हाे ।

तामाङ  आफुले सो क्षेत्रमाा टिकट पाउने बताउँदै रोकायालाई  मतदाता सँग भेटघाट नगर्न चेतावनी दिँदै आईरहेको समयमा उनले हातपात गरेका हुन् ।  बाँके युवा संघले भने तामाङ संगठनकाे निति र सिद्धान्त बिपरित अराजक ब्यवहार गरेकाे बताएकाे छ । युवा संँघ बाँकेका अध्यक्ष किशाेर थापाले संगठनकाे निति र बिधि बिपरीत गर्ने अधिकार कसैलार्इ छैन । उनले भने याे संगठनले अाबश्यक छानबिन गर्छ ।