काठमाडौं, एमाले काठमाडौं–बोल्दे फेदिचे गाउँ सम्पर्क कमिटिको अध्यक्षमा पेम्बा तामाङ निर्वाचित भएकाछन् । कमिटिको आज राजधानीमा भएको दोस्रो अधिवेशनले तामाङ्लाई अध्यक्षमा निर्वाचित गर्दे २१ सदस्यीय कममिटिसमेत गठन गरेको छ । नेकपा एमालेका युवा नेता गोकुल बाँस्कोटाले अधिवेशनको उद्घाटन गर्दे स्थानीय तहको निर्वाचनमा जुट्न युवाहरुसंग आग्रह गरे ।

निर्वाचनमा एमालेलाई पहिलो पार्टी बनाउने दायित्व युवाहरुको भएको भन्दै उन्ले बोल्दे फेदिचेका युवाहरुलाई सकृय भएर लाग्न आग्रह गरे । एमालेका युवा नेता सुर्य लामा, कमानसिंह लामा लगायतले बिचारबाट एमालेलाई बलियो बनाउनु पर्नेमा जोड दिए । कार्यक्रममा बोल्दे फेदिचेबाट काठमाडौं आएर बसोबास गर्ने युवाहरुको सहभागिता थियो ।