नयाँ दिल्ली, काश्‍मीरमा भएको आतंककारी हमलामा तीन भारतीय प्रहरीको मृत्यु भएको छ । शनिबार दिउँसो भएको आक्रमणमा तीन भारतीय प्रहरीको मृत्यु हुनुका साथै तीन जना घाइते भएको भारतीय सञ्‍चार माध्यमहरुले जनाएका छन् ।

काश्मीरको उत्तरी भेगमा बरमुला जिल्लाको सोपरमा रहेको चेकपोस्टमा आतंककारीहरुले हमला गरेका थिए । आतंककारीको खोजी कार्य सुरु गरिएको जनाइएको छ ।

एक सातामा पारामिलिटरीमाथि गरिएको यो तेस्रो आक्रमण हो । शुक्रबार पनि भारतीय रिजर्भ पुलिस फोर्समाथि आक्रमण गरिएको थियो । जसमा एक प्रहरी घाइते भएका थिए । – एनडीटिभी