काठमाडौं, स्वास्थ्य मन्त्रालयले कोरोना संक्रमण परीक्षणको काम १५ दिनभित्र पूरा गर्ने जनाएको छ । मन्त्रालयका प्रवक्ता डा.विकास देवकोटाले नेपाली रेडियो नेटवर्कमा शनिबार बिहान पत्रकार ऋषि धमलासँग कुरा गर्दै अहिले सबै प्रदेशमा स्वास्थ्यका आवस्यक सामग्री र चिकित्सकहरू पुगिसकेको बताए । चिकित्सकहरूले दैनिक एक हजारभन्दा धेरैको नमूना परीक्षण गरेको डा.देवकोटाले जानकारी दिए ।

डा.देवकोटाले आवस्यक स्वास्थ्य सामग्री तुरुन्तै खरिद गर्ने निर्णय भइसकेको पनि बताए । ‘आवस्यक स्वास्थ्यस सामग्री खरिदका लागि टेण्डर भइसकेको छ’, उनले भने, ‘केही दिनभित्र आइसक्नेछ ।’ स्वास्थ्य सामग्री खरिदमा भएको भ्रष्टाचारको विरोध गर्ने लेखा प्रमुखको सुरुवाका विषयमा डा.देवकोटाले आफूलाई थाहा नभएको जानकारी दिए ।

उपलब्ध स्रोत र साधनबाट स्वास्थ्य मन्त्रालयले आक्रामक रुपमा काम गरिरहेको उनले बताए । डा.देवकोटाले स्वास्थ्य मन्त्रालयले परीक्षणको दायरा बढाएर दैनिक ३७ सयको परीक्षण गरिरहेको बताए । परीक्षणको दायरा बढ्नु भनेको नेपालका लागि धेरै ठूलो उपलब्धि भएको भन्दै उनले सुदूरपश्चिममा हवाइ यातायातबाट नमूना परीक्षण गरिरहेको बताए ।

सेवा निवृत्त चिकित्सकहरूलाई बोलाएर उपचारमा संलग्न हुन आग्रह गरिएको डा.देवकोटाले बताएका छन् । उनले छात्रबृत्तिमा रहेका चिकित्सकलाई पनि सहयोग गर्न आग्रह गरिएको भन्दै १५ दिनभित्र नेपाललाई संक्रमण मुक्त बनाएर सबैलाई सुरक्षित बनाउने बताए । त्यसका लागि सबैको सहयोग आवश्यक रहेको डा.देवकोटा बताए ।

‘अबको दुई हप्तामा हामी आक्रमक काम गर्छाै । टेस्टका लागि आवस्यक किट सबै जिल्लामा पु¥याएका छौँ’, उनले भने, ‘अहिलेलाई पर्याप्त छ । अरु मगाएका छौँ ।’ ‘स्वास्थ्य मन्त्रालयले पठाएका सामाग्री र त्यहाँको स्वास्थ्य अवस्था बुझ्नका ३ जनाको टोली हरेक प्रदेशमा पठाएको उनीहरूले हेर्छन् र रिपोर्ट पठाउँछन्’, मन्त्रालयका प्रवक्ता डा.देवकोटाले बताए ।

डा.देवकोटाले संघीय मामिला तथा सामान्य प्रशासन मन्त्रालयले हजारौँको डाटा संकलन गरेर पठाएको भन्दै अब फिल्डमै गएर काम गर्ने बताए । कोरोना संक्रमणको प्रगतिका बारेमा दलका नेताहरूले समाचारबाट थाहा पाइरहेकाले मन्त्रालयले जानकारी गराउन आवस्यक नभएको उनको भनाई छ ।