नेपालगञ्ज उपमहानगरपालिका–२०, गायत्रीनगरकी चन्द्रकला थारु ४० बर्षकी भइन थारुको जिन्दगीले ४० औँ बसन्तहरु पार गरिसकेको छ । ४० औँ बसन्तसम्मा आउदा उनका जिन्दगीका उतारचढाबहरुले पनि ४० औँ उत्कर्षमा पुर्याएका छन । सँधै गरिबीको घेराबन्दीमा अल्झिरहको थारुलाई लाग्थ्यो राम्रो घर बनाएर बस्न पाए…….।

त्यहि घरमा आफना सन्तानहरुको भबिश्य कोर्न पाए । संयोगबस बर्दियाकी चन्द्रकलाले २०५४ सालमा सरकारको नाममा रहेको गायत्रीनगरमा ऐलानी जग्गा पाइन । ऐलानी जिन्दगी बोकेर ऐलानी जग्गामा आफना सपना सजाउन पुगिन । समय बित्दै गयो ऋण जोखो गरेर त्यहि ऐलानीमा सानो टिनको पाताले छोएको झुप्रो बनाइन । राम्रो घरमा बस्ने सपना केहि हद शाकार भएको अनुभुति गरिन ।

खुशिकाे सास फेर्न नपाउदै बस्तिमा राजनिति घुस्याे दलालहरुको चंगुल फैलिदै गयो । बस्दा ऐलानी जग्गा अरु कसैको नाममा भएको भेउ पाइनन । त्यो बिचमा थुप्रै दलालहरु राजनितिका नाममा आए । कोहि लालपुर्जा दिन्छौँ भन्दै कोही कुरो मिलाई दिन्छौँ भन्दै । तर कसैले मिलाएनन बरु उल्टै चुना लगाए ऋणमा डुबाए ।

यता सुकुम्बासीको नाममा बनेको सुकुम्बासी आयोगले दिएको अनुमति अनुसार ऐलानी कर तिर्दै आए । ५४ सालबाट ७६ सालसम्मा निरन्तर ऐलानी कर तिरेका थारु ल्गायत ७५ घरधुरीलाई त्यतिबेला ब्रजपात पर्यो । जब आफनै हातले भोट दिएर जिताएका वडाअध्यक्षको नेतृत्वमा घरमा डोजर लगाइयो ।

वडा अध्यक्ष कृष्णा कार्कीलाई उनिहरुले नै भोट दिएर जिताएका थिए । जित्नु अगाडि अध्यक्ष कार्की खुब लाेभ देखाँउथे। ती बस्तीहरुमा पुगेर म वडा अध्यक्ष हुन्जेल कसैले यो बस्तीलाई उठाउदैन भन्थे । जब भोट पाए जिते त्यसपछि उनको नियती बदलियो । उनै सुकुम्बासीका घरमा डोजर लगाउन अगाडि बढे…. ।

प्रधानमन्त्री र गृहमन्त्रीलाई समेत बिन्तीपत्र

गायत्रीनगरका सुकुम्बासीले आफना समास्या सिंहदरबारसम्मा पोको पारेर पुर्याए । समृद्धीको यात्रामा बढेको सरकारबाट सुकुम्बासीका समास्या संबोधन हुने अपेक्षा थियो । तर उल्टो भैदियो । गृहमन्त्रालयको परिपत्रअनुसार पो घरमा डोजर चलाइयो । उनिहरुले आफना समास्याको सामाधान खोजिदिनु पर्यो भनेर २०७६ बैशाखमा बिन्तीपत्र बिसाए । बिन्तीपत्रको कुनै सुनुवाई भएन ।

उनिहरुले ७६ बैशाखमा प्रधानमन्त्री केपी शर्मा ओली,७५चैत २८ मा गृहमन्त्री राम बहादुर थापा बादल,७५ चैत २८ माशिक्षा मन्त्री गिरीराजमणी पोखरेल, नेकपाका अध्यक्ष पुष्पकमल दाहाल प्रचण्डलाई समेत भेटेर बिन्तीपत्र चढाए । सबैले हुन्छ भनेर लड्डकाए तर समास्याको सामाधान गरेनन । लोभ मात्र बाेकाएर पठाए ।

२२ बर्ष पुरानो बस्ती २२ मिनेटमा भत्काइयो

स्थानिय अगुवा शिबलाल शर्माका अनुसार गायत्रीनगर ५४ सालदेखि बसेकाे बस्ति हाे । गायत्रीनगरका सबैले  ऐलानी करसमेत तिर्दै अाएका छन । शर्मा भन्छन् राजनितिक दलालहरूले खेल्ने ठाँउ बनेकाे छ गायत्रीनगर यहाँकाे बस्तिका पिडा देखाउदै लाेभ लालच देखाउदै भाेट माग्छन पछि लात हान्छन । उनकाे बुझाइमा दलालहरूकाे मिलाेमताेमा याे कठयाङग्रिने जाडाेमा डाेजर लगाएकाे बताइएकाे छ।  २२ बर्ष गरेकाे लगानीलाइ सरकारले २२ मिनेटमा भत्काउनु दुखद भएकाे भनाइ छ ।

यस्ताे छ प्रशासनकाे दावी

नेपालगञ्ज उपमहानगरपालिका–२०, गायत्रीनगरमा तीन विघा सात कठ्ठा १४ धुर जग्गामा रहेको सुकुम्बासी बस्तीका घर वडा कार्यालयले भत्काएको दावी गरेकाे छ  । विद्यालयको नाममा लालपूर्जा रहेको कित्ता नम्बर २, ३ र ८ को तीन विगाह सात कठ्ठा १४ धुर जग्गामा बनेका सुकुम्बासीका घर टहरा जिल्ला प्रशासन लगाएर भत्काएको दावी गरिएकाे हाे ।

सुकुम्बासीका नाममा जग्गा अतिक्रमित भएपछि विद्यालयका नियमित गतिविधि सञ्चालनमा समस्या भएको भन्दै विद्यालयले गृह मन्त्रालयमा निवेदन दिएपछि जिल्ला प्रशासन कार्यालयलाई आवश्यक कारबाहीका लागि परिपत्र गरेर साेहि अनुसार भत्काएकाे भनाइ छ  ।

गृह मन्त्रालयले जग्गा खाली गर्न आवश्यक कारबाहीका लागि परिपत्र गरेपछि सर्वदलीय र सर्वपक्षीय बैठक बोलाएर अतिक्रमित जग्गा १५ दिनभित्र खाली गराउने निर्णय गरेको थियो ।  जग्गा वि.स २०३६ सालमा विद्यालयको नाममा श्रेस्ता कायम भएको दाबी छ ।

भिडियो