नेपालगञ्ज,बाँके शहरी विकास मन्त्रालयको बजेटको ठुलो हिस्सा गृहनगर नेपालगञ्जमा पारेर नेपालगञ्जबासीको मन जितेका शहरी विकास मन्त्री मो इस्तियाक राई आफु इस्लाम धर्मावलम्बी भएपनि हिन्दुका धार्मिक स्थलमा वजेट विनियोजन गरेका छन् ।

मन्त्री राईले आइतबार नेपालगञ्जको हनुमानगढी मन्दिरमा नयाँ निर्माण भवनको शिलान्यास गरेका छन् । शिलान्यासमा प्रदेश सांसद विजय यादव, जिसस बाँकेका संयोजक अजय श्रीवास्तव लगायत उपस्थित थिए ।

हनुमानगढीमा राईको निर्वाचन क्षेत्र पूर्वाधार कार्यक्रम अन्तर्गत १० लाख वजेट छुट्टाइएको छ । यसैगरी सौन्दर्यकरणका लागि मन्त्रालयले छुट्टै टेण्डर आव्हान गरेको मन्त्रीका स्वकीय सचिव समसुल हक राईले बताए ।

यसैगरी बागेश्वरी मन्दिर र गुरुद्वाराका लागि समेत मन्त्रालयले वजेट विनियोजन गरी टेण्डर गरेको छ ।

फैजुन्नवी जामा मस्जिदका लागि समेत टेण्डर आव्हान भएको छ । मन्त्री राईले आगामी आवको वजेटमा बाँकेमा भौतिक पूर्वाधार निर्माणमा बढिभन्दा बढि वजेट पारिने प्रतिवद्धता जनाउँदै आएका छन्