काठमाडौँ : अमेरिकी राष्ट्रपति डोनाल्ड ट्रम्प ले अमेरिकाले इरानसँग पछिल्लो दुई दिनदेखि मध्यपूर्वको तनाव समाधान गर्न “अत्यन्त सकारात्मक र उत्पादक” वार्ता गरेको बताएका छन् ।

उनको आधिकारिक स्टाटस अनुसार, वार्ताका आधारमा उनले अमेरिकी रक्षा मन्त्रालयलाई इरानी शक्ति संयन्त्र र ऊर्जा पूर्वाधारमाथि कुनै पनि सैन्य आक्रमण पाँच दिनका लागि स्थगित गर्न निर्देशन दिएका हुन् । ट्रम्पले वार्ता यो साता जारी रहने र छलफलको सफलता अनुसार थप निर्णय लिने संकेत पनि दिएका छन्।

राजनीतिक विश्लेषकहरूले यो कदम इरानसँगको दीर्घकालीन तनाव कम गर्ने प्रयासको रूपमा हेरेका छन् । यदि वार्ता सफल भयो भने यसले मध्यपूर्वमा स्थिरता ल्याउने सम्भावना बढ्ने अपेक्षा गरिएको छ । ट्रम्पले आफ्नो सामाजिक सञ्जाल ‘ट्रुथ सोसल’ मार्फत वार्ताको प्रकृति गम्भीर, विस्तृत र रचनात्मक भएको बताएका छन् ।

वार्ताको सकारात्मक वातावरणलाई कायम राख्न र तार्किक निष्कर्षमा पुर्‍याउन ट्रम्पले अमेरिकी रक्षा मन्त्रालयलाई पाँच दिनका लागि आक्रमण स्थगित गर्न निर्देशन दिएका हुन्। यो निर्णय वार्ताको प्रगति र बैठकमा भएका छलफलको सफलता अनुसार अघि बढ्ने बताइएको छ ।

इरान र अमेरिकाबीचको यो पछिल्लो संवादले मध्यपूर्वमा केही समयदेखि जारी सैन्य तनाव कम गर्ने दिशामा योगदान पुर्‍याउन सक्ने विशेषज्ञहरूको बुझाइ छ ।