प्रधानमन्त्री केपी शर्मा ओली र चीनका राष्ट्रपति सी चीनफिङबीच द्विपक्षीय भेट सौहार्दपूर्ण भएको छ । चीन भ्रमणका अवसरमा दुई देशबीचको मित्रवत सम्बन्ध र सहकार्यका विविध क्षेत्रमा कुराकानी भई सम्बन्ध र सहकार्य अभिवृद्धि गर्न दुवै देशका संयन्त्र अग्रसर हुने समझदारी भएको प्रधानमन्त्री ओलीको सचिवालयले जनाएको छ ।

साथै, नेपाली भूमि लिपुलेकलाई व्यापारिक मार्ग बनाउने विषयमा चीन र भारतबीच भएको सहमतिका विषयमा राष्ट्रपति सीसँग प्रधानन्त्री ओलीले स्पष्टरुपमा आपत्ति रहेको कुरा राखेका उनले परराष्ट्र मन्त्रालयका सचिव अमृतबहादुर राईलाई उद्घृत गर्दै बताएका छन् ।

सन् १८१६ को सुगौली सन्धिबमोजिम महाकालीपूर्वका सबै भूभागहरु सार्वभौम मुलुक नेपालका भएको स्पष्ट रहेको र यस मामिलामा चीनले नेपाललाई सहयोग गर्नेछ भन्ने प्रधानमन्त्री ओलीले विश्वास ब्यक्त गरेका बताइएको छ ।