काठमाडौँ । प्रस्तावित शिक्षा विधेयकलाई जनविरोधी ठहर गर्दै १३ विद्यार्थी संगठनले आन्दोलनमा उत्रिने घोषणा गरेका छन्।

उनीहरूले यस विधेयकले नेपालको संविधान २०७२ को भाग ३, धारा ३१ अन्तर्गत उल्लेखित शिक्षा सम्बन्धी हक र मौलिक अधिकारको उल्लङ्घन गरेको बताएका छन्।

अखिल (क्रान्तिकारी) का अध्यक्ष विजय प्रकाश शर्मा, अनेरास्ववियूका अध्यक्ष महेश श्रेष्ठ, अखिल (समाजवादी) का अध्यक्ष नरेन्द्र सी, अखिल (क्रान्तिकारी) का अध्यक्ष विरेन्द्र शाह, अखिल (छैठौ) का अध्यक्ष सुवाश जिसी, वैज्ञानिक समाजवादी विद्यार्थी संगठन नेपालका अध्यक्ष हिमांशु, अखिल (क्रान्तिकारी) का संयोजक महेश श्रेष्ठ, समाजवादी विद्यार्थी युनियन, नेपालका अध्यक्ष मनिष कुमार यादव, विद्यार्थी जनमत संघका अध्यक्ष पोषण यादव, लोकतान्त्रिक विद्यार्थी संघका अध्यक्ष रोशन मिश्र, राष्ट्रिय विद्यार्थी मञ्चका अध्यक्ष पंकज देव, नयाँ शक्ति विद्यार्थी युनियनका अध्यक्ष बल बहादुर रम्तेल र अखिल नेपाल विद्यार्थी युनियनका अध्यक्ष मनिष भट्टराई ले आज (आइतबार) एक संयुक्त वक्तव्य जारी गर्दै संघर्षको घोषणा गरेका छन्।

संगठनहरूले आफ्नो ‘निःशुल्क र समान शिक्षा’ को मागसहित आगामी कार्यक्रम सञ्चालन गर्ने बताएका छन्। भोलि, मिति २०८२ भदौ १६ गते, भृकुटीमण्डपस्थित रिपोर्टर्स क्लबमा दिउँसो ३ बजे पत्रकार सम्मेलनमार्फत आगामी आन्दोलनका कार्यक्रम सार्वजनिक गरिनेछ।

संगठनहरूले सम्पूर्ण विद्यार्थी साथीहरू, शिक्षकज्यूहरू, अभिभावकहरू र पत्रकारहरूलाई यस आन्दोलनमा सहयोग र सहभागिता जनाउन हार्दिक अनुरोध गरेका छन्।

यस्तो छ वक्तव्य :