वीरेन्द्रनगर, सुर्खेत अखिल नेपाल खेलकुद महासंघ सुर्खेतको संयोजकमा गोमा आफ्रे चयन भएकी छन्। सुर्खेतको वीरेन्द्रनगरमा भएको पहिलो जिल्ला भेलाले गोमा आफ्रेको नेतृत्वमा १७ सदस्यीय जिल्ला समिति गठन गरेको हो ।

भेलाले सदस्यहरूमा हिमाल मल्ल, देव गाहा, भिम बहादुर बुढा, मान बहादुर नेपाली, चयन गरेको छ । त्यस्तै भेलाले शिवराज सोनी, शंकर बडुवाल, कुलवीर धौलाकोटी, दिपेन्द्र गौरेल, निलेस खड्का, चन्द्रा रोकाया,सुरेश चौधरी, करण एलजी, तपेन्द्र धमलालाई समेत जिल्ला समितिमा चयन गरेको छ ।

नव निर्वाचित संयोजक आफ्रेले खेल क्षेत्रको सुधारका लागि राज्यले सहि नीति लिनुपर्ने बताइन् । उनले भनिन् ‘खेलाडी र प्रशिक्षकको स्तरोन्नति गर्ने गरी सरकारले कार्यक्रम ल्याउनुपर्छ । ‘खेलाडी संगठित र एकताबद्ध हुँदा मात्र खेल क्षेत्रका माग पूरा गराउन राज्यलाई दबाब दिन सकिने उनको भनाइ छ ।’

समितिमा जिल्लाका सबै स्थानीय तहबाट विभिन्न विधाका खेलाडी समेटिएको बताइएको छ । त्यस्तै महासङ्घले स्थानीय तहमा पनि संगठनको संरचना विस्तार गर्ने योजना बनाएको छ।