बारमा दलीय हस्तक्षेप रोक्न व्यवसायीक समूहले जित्नुपर्छः रमन श्रेष्ठ

काठमाडौं । ‘व्यवसायिक कानुन व्यबसायी समूहका’ का उम्मेदवारले नेपाल बार एशोसिएशनलाई सरकार र दलीय हस्तक्षेपबाट मुक्त गर्न आफुहरुले जित्नुपर्ने बताएका छन् । बिहिबार राजधानीको संवाद डबलीले आयोजना गरेको अन्तरक्रिया कार्यक्रममा बोल्दै उनिहरुले बारमा पनि बालुवाटार र बुढानिलकण्ठको ठाडो आदेशमा आफ्ना रोजाईका व्यक्ति उम्मेदवार खडा गरेको दाबी गरे ।

सो समूहबाट अध्यक्षका उम्मेदवार वरिष्ठ अधिवक्ता रमन कुमार श्रेष्ठले एकपछि अर्को गर्दै राज्यका हरेक निकायलाई राजनीतिकरण तथा दलीयकरण गर्दा राज्य असफलताको दिशामा गइरहेकोे जिकिर गरे । २७ औं बार केन्द्रीय समितिको चुनावी उम्मेदवारका लागि सत्ता गठबन्धनका दुई ठूला दल नेपाली काँग्रेसका सभापति शेरबहादुर देउवा र  प्रधानमन्त्री केपी शर्मा ओलीले ठाडो हस्तक्षेप गरेको आरोप लगाउँदै श्रेष्ठले भने, “कानून व्यवसायीको स्वतन्त्र पेशागत धर्म र सगठनिक आत्मनिर्णयको अधिकारविरुद्ध बालुवाटर र बुढानिलकण्ठले आफ्ना मान्छे उभ्याउनु उचि हो ?”

श्रेष्ठले आफ्ना प्रतिस्पर्धी वरिष्ठ अधिवक्ता प्रा.डा.विजय प्रसाद मिश्र र उनि आबद्ध संगठनको आधिकारीक उम्मेदवार नभएको र त्रिभुवन विश्वविद्यालयका पूर्णकालिन प्राध्यापकसमेत भएकोले पनि नीतिसंगत उम्मेदवार बन्न नपाउने जिकिर गरे । प्रा.डा.मिश्र नेतृत्वको ‘बृहत लोकतान्त्रीक, प्रगतिशील, पेशागत, राष्ट्रवादी एवं समावेशी कानून व्यवसायी समूहसँग गतिला एजेण्डा नभएको बताउँदै श्रेष्ठले भने, “उहाँहरु चुनावी प्रतिबद्धता र मौलिक एजेण्डा त हाम्रो चोरेर छाप्नु हुन्छ, यदि उहाँहरुले जिते बारको बचेखुचेको प्रतिष्ठा माटोमा मिलाउने निश्चित छ ।”

श्रेष्ठले आफूहरुसँग बारको प्रतिष्ठा र गरिमा बढाउने मात्रै नभएर न्यायालयभित्रको बेथिति र भ्रष्टाचारको अन्त्य गर्ने प्रष्ट एजेडा भएको बताउँदै भने, “हामीसँग साढे ३ दशकको यो क्षेत्रमा अनुभव छ र भ्रष्टाचारको जालो च्यात्ने अस्त्र अनि दृढ प्रतिबद्धता पनि, त्यसैले हाम्रो टिमलाई जिताउनहोस् ।”

बारको कार्यकारी परिषद कर्मकाण्डी भूमिकामा सिमित बनाईको र त्यसको निश्चित सीमा रहेकाले आफूहरुले जित्ने वित्तिकै फैसला अध्ययन समिति गठन गरी तत्काल काम अघि बढाने श्रेष्ठले बताए । फैसला अध्ययन समितिले काम गर्न थाल्ने वित्तिकै धेरै भ्रष्ट न्यायाधीश, ओकिल र बिचौलियाको पर्दाफास हुने बताउँदै भने,“भ्रष्टाचारको जालो च्यात्न यहाँबाट सुरु गर्छौ अनि राज्यका अन्य निकायमा पनि यसको प्रत्यक्ष प्रभाव पर्ने छ ।” श्रेष्ठले आफू नेतृत्वको ‘व्यवसायीक कानून व्यवसायी समुह’लाई जिताउन अपिल गरे ।

सोही समूबाट महाचिवका उम्मेदवार अधिवक्त यज्ञमणि न्यौपानेले देश संघीय संरचनामा गइसक्दा न्यायालय र बरमा भने अझैपनि एकात्मकता चल्दा जनताले सास्ती खेप्नु परेको बताए । न्यौपानेले आफ्नो समूह विजयी भए विधान अधिवेशन गरी संघीय संरचनामा लैजाने बताउँदै भने, “अहिले पनि न्याय क्षेत्रमा पुरानै सम्रचना अनि सोच छ त्यसलाई भत्काउन हरके अदालतमा बार युनिट राख्नुपर्ने छ ।”

न्यौपानेले अदतालतमा व्यापक भ्रष्टाचार हुने र त्यसमा बारले पनि बोन्न नसक्ने अवस्था हुनुको परिणाम न्याय क्षेत्रमा पनि दलतन्त्र छिर्नु मुख्य कारण भएकाले त्यसलाई भत्काउन आफ्नो समुहलाई जिताउन आग्रह गरे ।