सुर्खेतको वीरेन्द्रनगरमा बदिया भालेको स्वादमा माया थकाली
विरेन्द्रनगर, सुर्खेतको विरेन्द्रनगरमा दाङको चर्चित बदिया भालेको स्वाद सहित माया थकाली रेष्टुरेन्ट तथा क्याफे सुरु भएको छ । प्रतिभा वली र हरी कठायत संचालक रहेको माया थकाली विरेन्द्रनगरको रंगशाला पुर्वी गेटमा सुरु भएको हो ।
सोमबार बिभिन्न व्यवसायीहरुको उपस्थीतिमा सुर्खेत उद्योग बाणिज्य संघका अध्यक्ष लक्षमान कंडेलले उक्त रेष्टुरेन्ट एण्ड क्याफे उद्घाटन गरेका हुन् । पारिवारिक वातावरण सहितको माया थकालीमा दाङको बदिया, छेडाको स्पेशल माछाको स्पेशल परिकार पाइने संचालक प्रतभिा वली र हरि कठायतले जानकारी दिए । कठायतले भोक मेटाउने मात्रै भन्दा पनि फरकपनसहित अर्गानिक खानाको स्वाद लिनको लागि माया थकाली सुरु गरेको बताए । कर्णालीको स्पेशल रैथाने .खानासेटसंगै रुकुम र जाजरकोट लगायत उच्च हिमाली भेकको सिमीको दालको स्वाद लिन सकिने बताइएको छ । साथै भेरी र कर्णालीको माछाको परिकार समेत बनाइने बताइएको छ ।
संचालक कठायतका अनुसार माया थकालीमा छेडाको माछा दाङको बदिया भालेको परिकार बिशेष ढंगले बनाइने बताइएको छ । बजार क्षेत्रमा खाना तथा खाजाका लागि पारिवारिक र आकर्षक रेस्टुरेन्टको अभाव देखेरै माया थकाली सुरु गरेको बताए । थकाली खाना, कर्णाली प्रदेशका विभिन्न परिकार पाइने बताए । उनले अन्य रेस्टुरेन्टको भन्दा फरक स्वादमा खाना पाइने दावी समेत गरेका छन् ।