वीरेन्द्रनगर, सुर्खेत मध्यपश्चिम विश्व बिद्यालयमा यहि चैत्र ८ गते हुने स्ववीयु निर्वाचनका लागि अखिल नेपाल स्वतन्त्र विद्यार्थी युनियन क्रान्तिकारीको तर्फबाट स्ववियु सभापतिका उम्मेदवार प्रकाश बिक सरगमले आफ्नो उम्मेदवारी समग्र समास्याको सामाधानका लागि भएको बताएका छन् । आज भएको मध्यपश्चिम विश्वविद्यालयको स्ववियु निर्वाचन बिशेष एक कार्यक्रममा  उनले मध्यपश्चिम विश्वविद्यालयको स्ववियु निर्वाचनमा आफ्नो उम्मेदवारी विश्व बिद्यालयका समग्र समास्याको सामाधानका लागि भएको बताएका हुन ।

माओवादी निकट अखिल (क्रान्तिकारी)बाट अध्यक्ष पदका उम्मेदवार छन्, २४ वर्षीय प्रकाश विक १८ वटा चुनावी प्रतिबद्धतासहित चुनावी मैदानमा छन् । अखिल क्रान्तिकारीका प्रदेश समितिका उपाध्यक्ष समेत रहेका सरगमले आफ्नो उम्मेदवारी केवल एउटा पदका लागि मात्रै नभई विद्यार्थीको सपना, आवाज र अधिकारलाई सशक्त रुपमा उठाउने अवसरका रुपमा लिएको बताए । सरगमले विद्यार्थीको अधिकार सशक्त रुपमा उठाउने र अधिकारका लागि लड्ने समेत प्रतिवद्धता जनाएका छन् ।

क्याम्पसमा भइरहेका विकृति विसंगतीको अन्त्य गर्दै शैक्षिक अभियानलाई रचनात्मक रुपमा अघि बढाउने उनले बताएका छन् । विद्यार्थीको हक हित र भविष्यका लागि सहि नेतृत्व चयन गर्ने उपयुक्त अवसर स्ववियु निर्वाचन भएको भन्दै उनले विद्यार्थीले विवेकपूर्ण निर्णय गर्नेमा आफू विश्वस्त रहेको बताएका छन् ।

मध्यपश्चिम विश्वविद्यालयको शैक्षिक आन्दोलनलाई रचनात्मक रुपमा अघि बढाउन आफ्नो भुमिका उल्लेखय रहने जिकिर गरे ।

सरगम युवा पुस्तामा चसर्चत साहित्यकारसंगै प्रख्यात चित्रकार समेत हुन ।

मध्यपश्चिम विश्वविद्यालय (एमयू) मा ६ वर्षपछि स्वतन्त्र विद्यार्थी युनियन (स्ववियु)को निर्वाचन हुन लागेको छ । चैत १८ गते हुने निर्वाचनका लागि ९ वटा विद्यार्थी सङ्घ/संगठन दर्ता भएका छन् ।

यस्ता छन एजेन्डा 

शिक्षामा सिपमुखी, प्रयोगात्मक, अनुसन्धानमुखी तथा व्यावहारिक हुने नवीनतम पाठ्यक्रम संशोधन र विकासमा पहल गर्ने, विश्वविद्यालयको व्यवस्थित शैक्षिक क्यालेण्डर, नतिजा प्रकाशन भएको एक हप्ताभित्र विद्यार्थीले जुनसुकै कागजात मागेको २४ घण्टाभित्र उपलब्ध गराउने व्यवस्था, गरिब, विपन्न विद्यार्थीलाई छात्रवृत्ति सुनिश्चित गर्ने, प्रत्येक सङ्कायमा सुविधा सम्पन्न हेल्थ सेन्टर स्थापना गर्ने, वर्षमा दुई पटक हरेक विद्यार्थीको निःशुल्क स्वास्थ्य चेकजाँच लगायतका एजेण्डा रहेको बताएका छन् ।

विकको टिमबाट सचिवमा मोहन चौलागाइँ, कोषाध्यक्षमा दीप बहादुर सुनार, सदस्यमा रेखा बोहरा, रमेश शाही, संस्कृति विष्ट, गगनबहादुर थापा, रोशन रोकाया, जनक बुढा, निश्चल बस्नेत उम्मेदवार छन् ।