काठमाडौं । पद्मकन्या क्याम्पस, बागबजार काठमाडौंको स्वतन्त्र विद्यार्थी युनियन (स्ववियु) को अध्यक्षमा रविना सथसंकरले उम्मेदवारी दिएकी छन् ।

यही चैत्र ७ गते हुने स्ववियु निर्वाचनमा नेतृ सथसंकरले अखिल (क्रान्तिकारी) बहुमतको तर्फबाट स्ववियु अध्यक्षमा उम्मेदवारी दिएकी हुन् ।

कानुन संकायबाट स्नातक गरेकी विद्यार्थी नेतृ सथसंकर समाजशास्त्र विषयमा स्नातकोत्तर गरिरहेकी छन् ।

उनको नेतृत्वमा अखिल (क्रान्तिकारी) संयुक्तको प्यानलबाट सचिवमा गिनिज बुढा, कोषाध्यक्षमा आरती नेपालीले उम्मेदवारी दिएका छन् ।

विद्यार्थीहरुको बलिदानपूर्ण सङ्घर्षबाट स्थापित आम विद्यार्थीको साझा र सरकारको प्रतिपक्षीय आन्दोलन (स्ववियु) लाई विगत केही दशक देखि विकृत बनाउँदै लगिएको अध्यक्षका उम्मेदवार सथसंकरले बताइन् ।

संसदवादी राजनीतिक दलहरुको आवरणमा स्ववियुलाई क्रान्तिकारी र प्रगतिशील भुमिकाबाट कटाएर दलाल पूजीवादी संसदीय राजनीतिक व्यवस्थाको लागी योग्य कारिन्दा तयार गर्ने मिनी संसदको रुपमा विकृत पारेको बताउदैं उनले स्ववियुको महत्व र गरिमालाई रक्षा गर्दै स्वतन्त्र, विद्यार्थीपक्षीय र शैक्षिक रुपान्तरणको आन्दोलनको रुपमा पुनस्र्थापित गर्न आफुले उम्मेदवारी दिएको समेत प्रष्टिकरण दिइन् ।

चैत ५ गतेका लागि तोकिएको निर्वाचन विवादका कारण भोलिका लागि सरेको हो ।