दुनै, डोल्पा बिहिवारदेखी परेको हिमपातले कर्णालीको उच्च हिमाली भाग हिँउले सिंगारीएको छ । बिहिवार साँझदेखी डोल्पामा निरन्तर बर्षा भइ रहेको छ भने माथिल्लो डोल्पा हिँउले ढपक्क ढाकेको छ । करिव २४ घण्टादेखी निरन्तर बर्षा र हिउ परि रहेको छ । यसरी किसानले खेतिपाती गर्ने समयमा हिउँ र बर्षा भएपछि भने किसानलाइ धेरै राहत मिलेको छ ।

तल्लो डोल्पामा खेतवारीमा वाली लगाउने समय भएको हुदा यो बर्षाले निकै ठुलो राहत मिलेको बताइएको छ । यो बर्षाले कुनैपनि क्षति नहुनेगरी जमिन भिजाएको छ खेतवारी जोत्नेवोलमा यसरि पानी परेपछि खुसिको सिमा नै छैन । यसरी फागुनमा पानी पर्नु किसानहरुका लागि ठुलो राहत भएको बताइएको छ । डोल्पा लगायत कर्णालीका बिभिन्न उच्च भुभागमा पाइने बहुमुल्य जडिवुटी यार्सागुम्बा समेत उत्पादन हुनेमा आसा पलाएको किसानहरुको भनाइ छ ।

माथिल्लो डोल्पा हिउँले पूरै ढपक्क ढाकेको छ । फागुन मै भएपनि हिउँ परेपछि भोटवासी पनि उत्साहित भएका छन । निरन्तरको बर्षासँगै चिसो बढि रहेकोले वालवालिका र बृद्धाहरुलाइ चिसोवाट जोगिन चिकित्सकले सल्लाह दिएका छन । यस्तो बेलामा न्यानो गरि बस्न र झोलिलो खानेकुरा खान चिकित्सकको सुझाव छ ।