जाजरकोट । कोपिला भ्याली सेवा समाजद्वारा भूकम्प प्रभावितहरुलाई राहत सामाग्री प्रदान गरिएको छ । जाजरकोटको कुशे गाउँपालिका– ५, का भूकम्प प्रभावितहरुलाई उक्त राहत वितरण गरिएको हो ।

प्रभावितहरुलाई एक सय त्रिपाल एक सय प्याक चामल र एक सय वटै सिरकहरु वितरण गरिएको छ । कोपिला भ्याली सेवा समाजका उपाध्यक्ष गोगन बहादुर मल्ल, वडाअध्यक्ष हरि बहादुर सिंहलगायतले पीडित नागरिकलाई संयुक्तरुपमा सामाग्रीहरु वितरण गरेका थिए ।

यो वडाका साढे ८ सय घरधुरीमध्ये अधिकांश घरमा भूकम्पले क्षति पुर्‍याएको छ । अहिलेसम्म १२४ वटा त्रिपाल मात्रै वितरणका गरिएको छ । नागरिकहरु भने आवश्यक राहत र त्रिपाल नपाउँदा कष्टकर दैनिकी बिताइरहेका छन् । यो जाजरकोटको सबैभन्दा दुर्गम गाउँपालिका हो ।