नेपालगन्ज, जाजरकोटको रामिडाँडा केन्द्र बिन्दु बनाएर शुक्रवार राति गएको ६.४ रेक्टर स्केलको भूकम्पमा परेर घाईते बिरामीहरुको उपचारमा रगत अभाव हुन नदिनको लागी नेपालगन्ज रक्तदान गरिएको छ ।

नेकपा माओवादी केन्द्र निकटको युवा संगठन वाइसीएल, नेपाल बाँके, अखिल (क्रान्तिकारी) बाँके र नेकपा माओवादी केन्द्र नेपालगन्ज उपमहानगर समिटी बाँकेले आईतबार संयुक्त रुपमा रक्तदान कार्यक्रम गरेको हो ।

नेपालगञ्जको भेरी अस्पताल, रक्त सञ्चार केन्द्रमा बिहान दस बजे देखि रक्तदान कार्यक्रमको आयोजना गरिएको वाइसीएलका केन्द्रीय सदस्य तथा बाँके इन्चार्ज किस्मत अलि शेष जितले जानकारी दिए ।

रक्तदान कार्यक्रममा ७५ पोइन्ट रगत संकलन गरिएको उनले जानकारी दिए ।

कार्यक्रम नेकपा माओवादी केन्द्रका बाँके जिल्ला अध्यक्ष नरेन्द्र पाण्डे जेम्स, नेपालगन्ज उपमहानगरपालिका अध्यक्ष रतन शाही लगायतको उपस्थिति रहेको थियो ।

भूकम्पकाका कारण जाजरकोटको भेरी नगरपालिकास्थित खलंगा बजार र नलगाढ नगरपालिका र रुकुमको आठविसकोट गाउँपालिकाम धेरै क्षति भएको छ ।

दुवै जिल्लाका घाईतेहरुलाई उपचारको लागि नेपालगञ्ज ल्याइएको छ। ती विरामीहरुलाई रगत अभाव हुन नदिन उक्त कार्यक्रमको आयोजना गरिएको नेकपा माओबादी केन्द्रका नेपालगन्ज उपमहानगर अध्यक्ष रतन शाहीले जानकारी दिए ।