बाँके, नारायण माध्यमिक विद्यालय नेपालगञ्जले ८६ औं वार्षिकोत्सब भव्यताको साथ मनाएको छ । विद्यालय समिति , विद्यार्थी र वडा कार्यालय समितिको उपस्थितिमा विद्यालय वार्षिकोत्सब मनाइएको हो ।बिहीबार शिवप्रसाद पाण्डेको अध्यक्षतामा कक्षा १ देखि १० सम्मको विद्यार्थीहरुलाई सहभागीताम विद्यालयको प्रगती विद्यालयको संर्घष बारे जिकिर गरियो । कार्यक्रममा विद्यालय व्यवस्थापक समितिका अध्यक्ष शिवप्रसाद पाण्डेले विद्यालयले विगतभन्दा राम्रो प्रगति गरेको बताए । उनले विद्यालयको शैक्षिक उन्नतिका साथै भौतिक विकास समेत भएको जिकिर गरे ।अध्यक्ष शिवप्रसादका अनुसार लामो समय देखि विद्यालयले विद्यार्थीहरुको संख्यामा वृद्धि गर्न सकेको थिएन । तर विगत ३ वर्ष यता विद्यालयले पुनः पुरानै शैलीमा फड्को लगाएको छ । विद्यालयका प्रधानाध्यापक बाबू तरुण गौतमले अतिथि र प्रमुख अतिथिको स्वागत गर्दै विद्यालयको प्रगतिको कामना ब्यक्त गरे । उनले भने, विद्यालयलाई यहाँ सम्म दिन रात कदा मिहिनेत गरेर पुर्‍याउने सबैमा विद्यालय परिवार आभारी छ । हामीले यस विद्यालको विकासका निम्ती निरन्तर लागी रहनेछौं ।त्यस्तै प्रमुख अतिथिको रूपमा सहभागी भएका नेपालगञ्ज उपमहानगरपालिका वडा नम्बर ११ का अध्यक्ष नन्दकिशोर कश्यपले विद्यालयको प्रसंशा गर्दै भने, नारायण माध्यमिक विद्यालय एक समय नेपालगञ्जको नमुना विद्यालय थियो । जहाँ हजारौंको संख्यामा विद्यार्थीहरु थिए । ती विद्यार्थीहरु अहिले विभिन्न पोस्टमा रहेर काम गरिरहेका छन् । केही समय यता विद्यालयले त्यो प्रभाव पार्न न सकेपनी अहिले राम्रो उन्नति गरिरहेको छ । उनले भने, म पनि यहि विद्यालयको एउटा विद्यार्थी हुँ, जसले कक्षा १ देखि १० सम्म यही विद्यालयमा ज्ञान हासिल गरेको छ । अहिले विद्यालयको अवस्था दयनीय भएको देख्दा दुख लाग्छ । हामीले यसविद्द्यालयको विकासका निम्ति निकै गम्भीर भएर लागेका छौँ । व्यवस्थापन समितिले शैक्षिक भौतिक विकासको लागि पहलकदमी गरे, वडा कार्यालयले समेत सहयोग गर्ने प्रतिबद्धता जनाउँछु ।सोही वार्षिकोत्सबमा विद्यालयले परम्परागत रूपमा गर्दै आएको अध्यापक अध्यापिकाहरुलाई सम्मान पनि गरेको छ । जसमा विद्यालयका वरिष्ठ अध्यापक युसुस अन्सारीलाई प्रमाणपत्र सहित सम्मान गरियो । त्यस्तै विद्यालयले आयोजना गरेको हाजिरी जवाफ प्रतियोगिता तथा खेलकुदमा उत्कृष्ट विद्यार्थीहरुलाई समेत प्रमाणपत्र सहित कापी कलमले सम्मान गरिएको छ । यसक्रममा सहभागी भएका विभिन्न मिडिया कर्मी तथा पत्रकारहरुलाई समेत दोसाला लगाएर विद्यालयले सम्मान गरेको हो । जसमा कुशे न्यूज डट कमका जिल्ला संवाददाता इरफान अलि (अरसद) समेत रहेको छन् ।
सो कार्यक्रममा वडा कार्यालयका राजेश कुमार बैश्य , जितेन्द्र कुमार गुप्ता , सदस्य पुनम कुमारी लखेर, साबिता वाल्मीकी लगायतले सहभागिता जनाएका थिए ।