कोहलपुर, बाँकेको कोहलपुरमा पृथ्वी जयन्तीको अवसरमा दिप प्रज्वलन गररिएको छ । मध्यपश्चिम विश्वविद्यालय वागेश्वरी बहुमुखी क्याम्पस कोहलपुर, कोहलपुर मोडेल कलेज कोहलपुर र न्यु बागेश्वरी एकेडेमी कलेजका विद्यार्थीहरुले कोहलपुरको न्युरोडमा उक्त कार्यक्रमको आयोजना गरेका हुन ।उक्त कार्यक्रममा वागेश्वरी बहुमुखी क्याम्पस पाठ्यक्रम तथा मूल्याङकन विभागका विभागीय प्रमुख एवम् प्राज्ञिक विद्यार्थी परिषद बागेश्वरी क्याम्पसका अध्यक्ष एकराज शर्माले दिप प्रज्वलन गरि उदघाटन गरेका थिए । कार्यक्रममा बोल्दै एकराज शर्माले ३०१ औ पृथ्वी जयन्तीको अवसरमा उहाँको स्मरण गरेका थिए ।पृथ्वीनारायण शाह विस १७७९ मा गोर्खाका राजा नरभुपाल शाह र माता कौश्ल्यावतीका सुपुत्र रहेको जानकारी दिदै उनले पृथ्वीनारायण शाहले नेपालको एकीकरण मात्र गरेनन् कि नेपाल र नेपालीलाई दिव्य उपदेश समेत दिए । नेपाल चारवर्ण छतिस जातको शाझा फुलवारी भएकोले सबैले एक अर्काको सम्मान गर्न, पारस्परिक सम्बन्ध कायम गर्न, नेपाल देशको रक्षा गर्ने कार्यमा जोड दिएको शर्माले बताए ।उनले पृथ्वीनारायण शाह रामायण, महाभारत, शुक्रनीतिको राम्रो ज्ञान भएका राजा हुन । उनिसंग धनुवाण, तरबार, घोडसवारी र दौडमा राम्रो दखल थियो । उनले गोर्खा राज्यबाट काठमाडौं राज्यको आक्रमण गर्ने योजना बनाई अगाडि बढेका थिए । काठमाडौ उपत्यकाको लडाईमा सफलता हांसिल गरि तत्कालीन समयमा नेपालमा भएका टुक्रा राज्य बाईसे र चौविसे राज्यलाई एकीकरण गरि सिगो नेपाल बनाएकाले उनलाई रास्ट्रपिता मानिएको वताए ।पृथ्वीनारायण शाहले बेलायतको तत्कालीन ईस्ट ईन्डिया कम्पनी र तिब्बति संग कुनै सम्झौता गर्न चाहेनन् जसको फलस्वरूप आज हामीले नेपाल र नेपाली भन्न् पाएकोम गर्व गर्न आम उपस्थितसंग अनुरोध गरे । घुस खाने र घुस दिने दुबै रास्ट्रका शत्रु भएकोले आजको समयमा उनले दिएको उपदेशको उपहास गरेको वताए । शाह सैन्य कुटनैतिक सवाल, आधुनिक नेपालको परिकल्पनाकार ऐतिहासिक व्यक्तित्व भएको वताए ।उनको नेपाल एकिकरण संगै रास्ट्रिय एकताको सन्देश दिएकोले आजको समयमा उनलाई विर्सना नहुने कुरामा जोड दिए । शाहले गरेको योगदानको कदर गर्दै बडामहाराजको उपाधी दिएको स्मरण गराए । जन आन्दोलन २०६२/०६३ पछि उनको योगदानको अबमुल्यन गरि राजनीतिक दलले ईतिहास मेटाउन खोजेकोले यो सरकारले आजको दिन बिदा दिएकोले सरकारलाई धन्यवाद दिएका थिए ।

कार्यक्रममा बोल्दै विद्यार्थी युवराज विस्टले पृथ्वी जयन्तीको आवश्यकताले ईतिहासको स्मरण गराएको वताए । उनले भने आजको समयमा एकताको खांचो भएकोले यसको योगदान पृथ्वीनारायण शाहको रहेको वताए । कार्यक्रममा प्राज्ञिक विद्यार्थी परिषदका केन्द्रिय सदस्य भिम रोकायले पृथ्वीनारायण शाहको स्मरण गदै आजको यो कार्यक्रम देशव्यापी गरिएको वताए । उनले आजको दिन सधै पृथ्वी जयन्ती मनाउदै आएको वताए ।कार्यक्रममा परिषदका पुर्व केन्द्रिय सचिव प्रकाश शर्माले पृथ्वी जन्तिको शुभकामना दिएका थिए । प्राज्ञिक विद्यार्थी परिषद बागेश्वरी बहुमुखी क्याम्पसका संयोजक नबराज विक, परिषदका लुम्बिनी प्रदेश सदस्य चन्द्र पंगाली, संगिता रोकाय, देवि रेग्मी लगायत परिषदका पदाधिकारीहरु, सर्वसाधारण व्यक्तिहरु, सुरक्षाकर्मी, सन्चारकर्मीको बाक्लो उपस्थित रहेको थियो । उक्त कार्यक्रमको सन्चालन प्राज्ञिक विद्यार्थी परिषद सुदुर पश्चिम प्रदेश सचिव जनता राईकाले गरेकि थिइन ।