काठमाडौं, आगामी प्रदेश तथा प्रतिनिधि सभाको निर्वाचनको अवज्ञा तथा बहिस्कारमा लागेका चार कम्युनिस्ट पार्टी संग आबद्ध विद्यार्थी संगठनहरुले पत्रकार सम्मेलनको आयोजना गरेका छन्।धर्मेन्द्र बास्तोला ‘कन्चन’ नेतृत्वको नेकपा (बहुमत) र नेकपा (क्रान्तिकारी माओबादी) संग आबद्ध अखिल (क्रान्तिकारी) नामक दुईवटा विद्यार्थी संगठनले आज शुक्रवार राजधानीको संवाद डवलीमा दिउँसो १ बजे पत्रकार सम्मेलनको आयोजना गरेका हुन् ।

दुई क्रान्तिकारी विद्यार्थी सङ्गठनले आगामी प्रतिनिधिसभा र प्रदेशसभा निर्वाचन बहिस्कार तथा अवज्ञाबारे संगठनको आधिकारिक धारणाको साथै आगामी योजना तथा कार्यक्रमहरु सार्वजनिक गर्ने बताइएको छ ।

पत्रकार सम्मेलनमा नेकपा (बहुमत) निकट अखिल (क्रान्तिकारी) अध्यक्ष मिलन राई र क्रान्तिकारी माओवादी निकट विद्यार्थी सङ्गठनका अध्यक्ष हरिकृष्ण गजुरेल लगायतका विद्यार्थी नेताहरुको उपस्थिती रहने बुझिएको छ ।